विश्वास त्यो खोई काले ?

विश्वास त्यो खोई काले ?

ए काले !

सँगै जिउँछु भन्थ्यौ, सँगै मर्छु पनि

यो मेरो पहिलो प्रेम हो भन्थ्यौ

जे भए पनि, तिम्रै जीवनमा साथ दिन्छु भन्थ्यौ

आपत आखिर के आइलाग्यो र ?

मेरो यो जीवन–विपत बनाई गयौ ।

त्यसैले,

विश्वास त्यो खोई काले ?

ए काले !

यहाँसम्म तिमीसँगको जीवनयात्रा,

निरर्थक के थियो र  ?

तिमीसँगको सहयात्रा के झुट थियो र ?

तिमीले दिएको माया र सहारा

अनि, मसँगको प्रेमसुगन्ध के सबै नक्कली थियो र ?

थिएन भने, विश्वास त्यो खोई काले ?

ए काले !

तिम्रो हर दुःखसुखमा साथ दिन्छु भन्यौ,

हाम्रो भेट हुँदा जीवन जीवन्त बनायौ

पलपल मेरो जीवनमा खेल्ने खेल्यौ,

नखेल्ने पनि खेल्यौ,

तिमीसँग भेट हुँदा, छुट्टिन कठीन बनायौ

मुटु साटासाट ग¥यौ

अनि, मसँगको त्यो सबै के मिथ्या थियो र ?

थिएन भने, विश्वास त्यो खोई काले ?

ए काले !

मसँग के त्यो देखेनौ ?

हो, धन थिएन, तर मन थियो ।

ठूलो सपना थिएन, तर विश्वास थियो ।

महल थिएन, तर सानो आसाको घर थियो ।

रुप थिएन, तर यौवन थियो ।

छलकपट थिएन, तर हृदय थियो ।

आखिर, सोझाे  थिएँ, लज्जालु थिएँ, निश्चल अनि कञ्चन थिएँ,

त्यसैले, 

‘मेरो जीवन वर्वाद पा¥यो’ भनी कुर्लन सकिनँ,

तिमीलाई छलाएर, झुक्याएर आफ्नो बन्दी बनाउन सकिनँ

त्यो पनि सक्थेँ तर आफ्नौ नैतिकताले दिएन,

ठूला कुरा गर्थौ ?

‘विश्वासघात’ को विष किन पिलायौ ???

अनि, मसँग त्यो सबै के नाटक थियो र ?

थिएन भने, विश्वास त्यो खोई काले ?